2025 жылғы 5 қыркүйекте Оқушылар сарайының(2-корпус) базасында Қарағанды облысы білім басқармасының басшысы Д. Жекебаев пен Шахтинск қаласының әкімі М. Кыдырганбековтың қатысуымен «TARLAN» мектеп автокартодромы мен «Картинг мектебі» ашылды. Іс-шараға қаланың құрметті тұрғыны, білім беру ардагері С. Ударцева және Шахтинск қаласының Ардагерлер кеңесінің төрайымы А. Сатова, педагогтар мен оқушылар қатысты.
Осы жобаны іске асыруға облыстық бюджеттен картодромға арналған аумақты және алаңды абаттандыруға, гараждарды, ғимараттың қасбетін жөндеуге және үйірменің жұмыс істеуі үшін жабдықтар сатып алуға 219 000 мың теңге бөлінді. Картинг - мотоспорттың ең қолжетімді, танымал және жаппай түрлерінің бірі. Мақсаты картинктарды жүргізудің, техникаға қызмет көрсету мен жөндеудің ғылыми-техникалық және спорттық-техникалық дағдыларын дамыту болып табылатын үйірменің жұмысы үшін 10 картинг, дискілері бар шиналар (жылдың әр мезгілі үшін), трассаны қоршауға арналған қорғаныш тосқауылдар, жабдықтар және өзге де жарақтар сатып алынды.
Биылғы оқу жылында «Картинг мектебінде» 10-12 жас және 13-14 жас аралығындағы екі жас тобындағы 20 бала оқиды. Техника ақауларын жөндеу, қызмет көрсету және диагностикалау негіздерін оқыту үшін білікті педагог, сондай-ақ механик қабылданды.

2025 жылғы 6-7 қыркүйек аралығында туристік көпсайыс (аралас туризм) бойынша ашық Өңірлік жарыстар өтті. Жарысқа Қарағанды мен Шахтинск қалаларынан 10 команда екі жас тобында (ұлдар мен жасөспірімдер) қатысты.
Жасөспірімдерде орындар келесідей бөлінді:
1 орын - «Барс» командасы (Шахтинск қаласының Оқушылар сарайы)
2 орын - «Эдельвейс» командасы (Қарағанды қ.)
3 орын - «Торнадо» командасы (Шахтинск қ. Оқушылар сарайы)
Жасөспірімдерде орындар келесідей бөлінді:
1 орын - «Тенгри» командасы (Қарағанды қ.)
2 орын - «Высота» командасы (Қарағанды қ.)
3 орын - «Эверест» командасы (Қарағанды қ.)

13 қыркүйекте Оқушылар сарайы (екінші корпус) базасында Шахтинск қаласының педагог–кәсіби бағдар берушілеріне арналған кәсіби құзыреттілік және мансаптық өсу орталығымен бірлесіп білім бөлімінің ұйымдастырушылық оқыту семинары өтті. 2025-2026 оқу жылына арналған кәсіптік бағдар беру жұмысының жоспарын, «Көлік жөндеуші слесарь» бейінді сыныбы бағдарламасы бойынша Шахтинск технологиялық колледжімен нормативтік аспектілерді және ынтымақтастықты талқылады.

19 қыркүйекте Шахтинск қаласының Оқушылар сарайында қаламыздың білім беру ұйымдарының бұрынғы директорларымен кездесу өтті. Олар үшін корпустар бойынша экскурсия ұйымдастырылды, онда олар орнықты даму Қоры мен «Қазақстан халқына» Қоғамдық Қорының арқасында жабдықталған жаңа заманауи кабинеттерді көре алды, сондай-ақ педагогтар мен балалардың жұмысын жеке бақылап отырды. Кездесу жылы қарым — қатынас пен тәжірибе алмасу атмосферасында өтті: қонақтар естеліктерімен, ал Сарай қызметкерлері өздерінің жаңа жетістіктерімен қызығушылықпен бөлісті.